অধিচৰ্ম (চুটিগল্প)

                          অধিচৰ্ম  (গোপী তামুলী)

:কোন? মোৰ শুৱা কোঠাত, কোন??

: মই।

:কোন মই? সেইটো কিবা নাম হল নেকি ?নাম কি ? ওপাধি কি?

: মই ফু:পা:

:মানে ফুপজহী!

:ফুলেন পাত্ৰ, ফু:পা: মানে!

:বোপাই পাত্ৰ!ক্ষন্তেক ৰোৱা মাত্ৰ । মৰিয়াই কৰিছোঁ চোৱা টিঙৰ ভগা পাত্ৰ। হাত-ভৰি বান্ধী থৈছোঁ । কৰ্ডডাল ভাল দামী 

:মোক এইদৰে বান্ধী থোৱা উদ্দেশ্য?

:মোৰ নিৰাপত্তা । আৰ্থিক স্বচ্ছলতও এটা কাৰক । বোপাই তাৰক।

:তাৰক নহয় , ফুলেন।

:বাৰু তই কোৱাটোৱেই । তোৰ আৰ্থিক অৱস্থাৰ উন্নতি মানে দকাইটি নহয় জানো ?

: আপুনি উপাৰ্জন কৰা টকা-পইছা সৎ পথেৰে নে? সেইবোৰ কত ৰাখিছে কওক। অধিক সময় কটোৱা ওচিত নহয় পলম হৈছে মোৰ।

:কেই বাজিল?

:এক বাজিবৰ হ'ল।

:হেৰ সেইটো মোৰ ঘৰী। মই গাৰু তলত থৈছিলোঁ ।

:তাতেই পালো!

:গগলছযোৰ খুলিলিলে? ৰাতি সেইযোৰ পিন্ধে!  ভূতটোৰ দৰে লাগিছে।

: কিবা আখজাখন লাগিছে। খুলিয়েই থও । যাওঁতে নিমেই যেতিয়া।

:ইয়াৰ পৰা ওলাই যাব পাৰিবী যানো পিতাই ?

:এইটো দেখিছ নহয় ?

ঘড়িটোৰ কাষতে থৈছিলো । পিছে মিছা । চেম্বাৰত গুলি আছে সঁচা; কিন্তু লক্ কৰি থোৱা আছে,খোলিব নোৱাৰিছিল। খুলিবলৈ যত্ন কৰিলেই  ফটাফট চটা গুলি একেবাৰে বুকুত । মোৰ নহয় তোৰ ।

:এইখনেৰেই তেন্তে কাম চলাম ।

: হেৰী, সেইখনেৰে শাক পাচলিহে কাটে ।

:প্ৰয়োজন হ'লে মানুহকো-।

:তোৰ কি প্ৰয়োজন?

:টকা!

:তাকে কোৱা নাই কিয়? যা মিটছেফটোৰ ওপৰত কণীৰ ট্ৰে এখন আছে । ছাইডতহে কণী । মাজত টকা তিনি-চাৰি লাখমান আছে তাকে নেগৈ। এতিয়া যা ।

                                                ০০০০০০০০

আহ । এতিয়াহে।

    ট্ৰেইন লেট আছিল।

:কালি লেট নাইট পিকচাৰ এখন আছিল বুজিছ। ডকাইটে হাত ভৰি বান্ধি লুটিলে।পাঁচ লাখ নিলে।

: আপুনি কি কৰি আছিল?

:হাত ভৰি বন্ধা অবস্হাত মইনো কি কৰিব পাৰোঁ?

:প্ৰানায়ম ।

:সেইটোনো আকৌ কোন? 

:প্ৰানায়ম হ'ল সেইটো ব্যায়াম । ইয়াৰ জৰিয়তে শৰীৰটো সূক্ষ্ম কৰিব পাৰি । মই বন্ধাৰ গম পাই দেহাটো ফুলাই দিলোঁ । পাছত স্বাভাবিক অবস্হাত অহাত বান্ধোন ধিলা হ'ল।

:আচৰিত কথা।

:আচৰিত নলগা কথা কেইটামান শুনি, ফুলেন পাত্ৰ।।

:মোৰ নাম মোলেন হে চাৰ।

:ফুলেন মুলেনৰ কথা পিছত হ'ব এতিয়াৰ কথা হ'ল, মোৰ ঘড়িটোত              এটা ছুইছ আছে । তাত হাত দিলে দুশ মিটাৰ দূৰত্বলৈ এটা সুৰীয়া শব্দই বিলাপ কৰিব , 'হেল্প মি, হেল্প মি, বুলি। ডকাইটে এই কথা কেনেকৈ জানিলে ? কেনেকৈ যানিলে ড্ৰয়াৰৰ তলফালে বিশেষ ব্যৱস্হাৰে পিষ্টলটো তাতে  থও বুলি?

   গেটত সোমোৱাৰ পৰা এতিয়ালৈকে এক্কৈছবাৰ তই সোঁহাতেৰে সোঁজেপটো চুই ছাইছ । বস্তুটোয়ে আছে তাক নিশ্চিন্ত হৈছ । মই এশ শতাংশ কাৰেক্ট বস্তুটো হৈছে এপাত চাবি । মোৰ কোঠাৰ ।

:ছাৰ!

:ভৰিত পৰিব নালাগে দে । লাগে যদি মইহে তোৰ ভৰিত পৰিম ।

:মানে ছাৰ!

:তই যোৱাৰ কিছু পাছতেই এখিনি পুলিচৰ লোক আহিছিল । বিচাৰিলে,নাপালে,গলগৈ। কত পাবা সেই পাঁচ লাখ টকা জাল নোট । তই নি মোক বচালি ।

 তোক মই বজাম এতিয়া। বোপা মোলেন কিম্বা ফুলেন।

মূৰ তই নিজেই খালি । আহোঁতে অস্থিচৰ্ম হৈ আহিছিল। এবছৰতেই হলি বৰ্ণড সংকৰ শুক্ল শূকৰ । মই তোক অধিচৰ্ম কৰিলোঁ। চাবিপাত তাতে থৈ যা।

                                                                      ‌ ...............................